Жаңалықтар

12 қараша 2013
Бүгін Қазақстан Президенті Нұрсұлтан Назарбаев Швейцария Конфедерациясы Кантондар кеңесінің президенті Филиппо Ломбардиді қабылдады

Кездесу барысында екіжақты парламентаралық қарым-қатынастар, сондай-ақ жаңа технология, энергетика салаларындағы ынтымақтастық пен халықаралық ұйымдар аясындағы өзара ықпалдастық жайы талқыланды.

 

Кездесу барысында екіжақты парламентаралық қарым-қатынастар, сондай-ақ жаңа технология, энергетика салаларындағы ынтымақтастық пен халықаралық ұйымдар аясындағы өзара ықпалдастық жайы талқыланды.

Мемлекет басшысы бұл Ф.Ломбардидің Қазақстанға алғашқы сапары екенін, оған елеулі маңыз беріліп отырғанын атап өтті.

– Біз бұдан жиырма жыл бұрын Швейцариямен дипломатиялық қарым-қатынас орнаттық. Елдеріміз арасында жақсы сауда-экономикалық ынтымақтастық орныққан, өзара инвестиция артуда. Бізде екіжақты өзара ықпалдастықтың жағымды қарқынын жалғастыруға деген мүдделілік бар, – деді Нұрсұлтан Назарбаев.

Сондай-ақ, Қазақстан Президенті мемлекетаралық қарым-қатынастарды нығайтуға қомақты үлесін қосатын парламентаралық байланыстардың маңыздылығын атап көрсетті.   

Швейцарияның Кантондар кеңесі президенті тек саяси және сауда-экономикалық өзара ықпалдастықты ғана дамытып қоймай, өзге де салалардағы ынтымақтастықты жандандырудың маңызды екеніне тоқталды.

– Біз басты тақырыбы болашақтың энергиясы болатын ЭКСПО-2017 халықаралық көрмесін өткізуге қолдау көрсететінімізді және Қазақстанның барлық саладағы, соның ішінде экономикадағы, өңірде тұрақтылық пен бейбітшілікті қолдаудағы жетістіктеріне деген ілтипатымызды білдіргіміз келеді. Бұған қоса, Қазақстан 2010 жылы ЕҚЫҰ-ға табысты төрағалық етті, ал Швейцария бұл ұйым жетекшілігін 2014 жылы қолға алады, сондықтан біз үшін Қазақстанның тәжірибесі пайдалы болмақ, – деді Ф.Ломбарди.

 


Барлық жаңалықтар
 
Өзге де кездесулер мен қабылдаулар
Барлық кездесулер мен қабылдаулар